ياحسراه عليك يا دنيا

يا حسراه عليك يا دنيا

يا حصراه عليك يا
الدنيا فيك حكاية و حكايات ساميني وقعدي حدايا واحكيهم لي بثبات علاش هكذا
حاقدة و سمية ظلي تبدلي في الصفات تعذبي فيا غير بشويةعييت من عذابك بركات
تلعبي بيّا والا معايا جاوبيني علاش هذا السكات قالولي عليك مسرحية وأنا
المسرح سكن لي في الذات التذكيرة خلصتها غالية ديت معاها شي وردات دخلت
للقاعة صفقوا عليا طلع ستار والضو طفات لقيت روحي في تمثيلية والديكور خوف
ودمومات طمعتيني ودُرتي عليا كان عندي جدي بصح مات شحال من سلطان كان في
دنيا جيوش الأمر وطيعات مال وعز قصور وسرايا العسة عليه بالالوفات غفل غفلة
تقلبت الحية فليلتو مالقى وين يبات وكلتي فلان عسل و فاكهة وفلان شمختيلو
لفتات فلان قلعتي لو الذرية وحياتو من الفرحة خوات فلان طلق مرتو المزكية
زعف كي جابتلو لبنات المسجون يرجى الحرية بالدقيقة يحسب لوقات الشهار يحلم
بالشهرية ياحليلو مولا وليدات كبدت لميمة مشوية على واش سهرت و ربات على
وليدها بدّل الجنسية عجبو زين الروميات خلّى يماه وحدانية من الحرقة
والبكاء تعمات باش يبيّن الرجولية بعث لها زوج محرمات نهار كانت الدنيا
دنيا الوالدين علقلهم شيعات اليوم الوالدين راهي مرمية في مراكز الشيخوخات
أنت دنيا يدك زهرية أنا يدي فيها الكيات مع الواقف درتي جمعية سماها دخلات
وخرجات القلّيل بعثتيلو خطية جا يصلي تلفت لو الصلاة كي سلّم نسي التحية
و كي تحى نسا زوج ركعات المال فاني والعظام راشية فاتت جناس وتمحات اللي
كان تاقي و دار النية طاع ربي و رشد في الصلاة درجته في الجنة عالية صفة
الجنة درجات واشاقي يمضي النهاية ذاتو بالنار تكسات جلدة رايحة و جلدة جاية
يظال يبدل في الجلدات نصيحتي نتركها التالية باش نختم بيها لبيات دعوة
الوالدين رسمية منهم الشر و الخيرات الهناء كنز و الصحة غالية و الباقي كله
كذوبات والصلاة على نور عينيا سيد الخلق يا سدات شكون اللي نجا منك يا
دنيا غير اللي طلقك بالثلاث